சுவாச வ(ளி)ழிப்பயணம்

களித்திடும் காதல் எழில் நடனம்- விழி

துளிர்த்திடும் உனக்குள் நான் சரணம்

தளிர்க்கரம் தழுவிட மூழ்கும் கணம் -உன் சுவாச

வளி வழிப்பயணம் இதயம் தொடும்.....

ஊழி தன் சாகசம் காட்டவென்றோ

பாழுமோர் பிரிவைப் போட்டதன்றோ

ஆழியும் மலையும் மேடும் நம்மிடையே-உன் சுவாச

வளி வழிப்பயணம் தொலைந்து போச்சே..

குளிர்வாடை நெஞ்சுக்குள் தீ வீசும்

எழில் மலரும் என்மீது மூள்ளாய் உரசும்

ஒளிக்கதிர்கள் எரிகற்கள் என வீழும்-உன் சுவாச

வளி வழிப் பயணம் தேடி இதயம் வேகும்

இவ்வளவு தூரம் வந்திட்டீங்க... உங்க கருத்தைச் சொல்லாமல் போனால் எப்படி?... உங்க கருத்துக்கள் தானே என் எழுத்துக்கு உரம்.. !!!

	Tweet